Te Gherdëina univel bele tení
scola al scumenciamënt dl 1600, ajache dl 1586 fova bele
unida ora na lege sun la scola. Plucheauter univel nsenià
dutrina.
Dl 1747 fovel uní
ora n regulamënt per la scoles che se damandova che l vënie
nsenià plu a scri, a liejer, geografia y autra cosses.
L ann 1774 à la cosra
Maria Theresia dat ora na lege che cumandova che duc muessa ji
a scola dai sies ai catordesc ani.
Sëlva à abù si prima scola tla cësa Fuloni
y pona te chëla dla Gërva. Ntlëuta univel mé
tení scola n trëi dis al'ena.
L ann 1848 ie unida fata su la cësa
de chemun daujin ala dliëja y iló fova nce la tlasses.
