N bel resultat à arjont i sculeies dla scola elementera de Sëlva pra la 5a edizion dl turnoi dl juech al palé Prenatal. Do avëi venciù la partides de qualificazion, batan tra l'auter la scola elementera dl Milland (4:1) y de Santa Cristina (5:1), àn pedu to pert al gran finale ai 3 de juni 2000, che ie uni purtà ora tl palasport de Bulsan. Tlo iesen pona stac boni de ti vester ala scola elementera de Sarnthein y de Quirein (Bulsan) purtan a cësa a chësta maniera l trofeo.
Duta
la scuadres à pedù mustré su n bon livel technich y la
drëta impostazion per l juech. Tla prima partida àn messù
se bater contra la scuadra dl Sarnthein y n po bën dì che n ie
stac boni de vëncer per via dla bela parates de Viktor Prinoth, ma dantaldut
per l'invenzion de Guido R. n ucajion dl gol. Pra l segondo juech s'an fat
plu saurì, vencian per 2 a nia (gol
de forza de Marco I. y gol de Guido R.). Duta la scuadra à desmustrà
de sentì dassën la partides, jan ite ti contrasc cun gran determinazion.
L'entujasm fova da stramp grand y sce n à venciù iel dessegur ënghe merit di cumpanies de tlas y dla bela cumpëida de genitoresc che fova unii adalerch a cialé pro. Ënghe tl daunì cialeran de to pert a de tel manifestazions, ti jan ncontra a chësta maniera a nosc sculeies che desmostra na gran pascion per l juech al palé.
Florian Lardschneider
