I sculeies dla scola elementera de Sëlva à festejà l di mundiel dl liber ai 23 de auril. N valgun dis danora purtova i sculeies n si liber a scola, fat ite cun na pinta vërda. Nia per duc iel stat saurì a se destaché da un de si libri, ma l pensier de dé inant na legrëza y de n giapé nce una ie stat bon de i motivé a fé pea. Nsci fovel ai 23 de auril na gran vela de libri, scichei su a vert, cuncei ora per i banc de scola da pudëi ti cialé y, ala fin, nce da se tò pea. Per i sculeies iel stat na bela esperienza se baraté ora n bel liber y de udëi tan n grum de bela stories y nfurmazions che i possa avëi tres n liber. La mpurtanza di libri y dl liejer vën sorisseda te scola nce cun na pitla biliotech te uni tlas y cun n bon cunlauré cun la bibliotech dl luech. N liber porta legrëza, perchël scincon uni tant n liber!