Nfina l ann 1958 ie la scola
resteda tla cësa daujin ala dliëja, per ruvé pona
te na cësa nueva mpue plu inora, ulache la ie mo sën.
Ntant ie nosta scola inò stata
renuveda tl ann 1997 y à giatà mpue n auter cialé
ora.
Un di maestri plu cunesciui che à
nsenià te Sëlva y che à fat scialdi dl bën
fova Franz Walpoth (1830 - 1918) che ie nasciú dl 1830
tal Sartëur te Sëlva. Ël à tení scola
53 ani alalongia y fova nce ugrister, mëune y scrivan de
chemun. Purempò davaniovel massa puech per tré su
si familia y messova ziplé popes.
Ferdinand Perathoner (1881 - 1928)
fova da Uridl - Urtijei y ie ruvà te Sëlva canche
F. Walpoth ie jit n pension. Ël messova ënghe fé
dut dassëul; l maester, ugrister, mëune y secreter de
chemun. El à nseniá te Sëlva nfina l'ann 1922.
Te chël tëmp fovel te Sëlva
nce trëi maestres che ova inuem Lang, Straubinger y Kleinscheck.
