I uciei
Proiet per la defendura di uciei cun la quarta y quinta tlasses
Ajache cer uciei manacia de murì ora tlo da nëus (sciche per ejempl la mosules) se à la grupa M.T.U. (Menschen - Tiere - Umwelt) dl’Austria tëut dant de fé chësc projet.
Nscì à duc i sculeies dla quarta y quinta tlasses giapà na coa de lën per la mosules da taché su dlongia si cëses. Chësta coes ie states sponsorisedes da privac de nosc luech. La coes ie de lën de leresc, fates a man y dessegur stersces.
Dan giaté la coes à i sculeies n iede messú mparé zeche sun i uciei !
Ntan l'ëures de scienzes ai mparà ngrum de cosses n generel sun i uciei, sciche: cie che i maia, ulache i stà l plu gën, ciuni che se n va d'inviern y.n.i.
Ntan l' ëures de ladin se à uni sculé crì ora un n ucel y à fat na pitla nrescida sun chësc, l dessenian avisa y scrijan sot ite la cosses plu mpurtantes y nteressantes. Cun uni lëur àn fat n cheder dainora y tacà su te port.
 |
 |
Do che i sculeies fova bele mpue njeniei ca ie po mo ruvei da nëus i
doi esperc de uciei Moroder Leo y Marco Obletter che ti l' à po mo
cumetuda de taché su drët la coes y de les scué ora ntan
l inviern. Oradechël ài mo cuntà scialdi de si esperienzes
cun i uciei.
Per l' ansciuda nes ai mpermetú che i nes menerà n dì daduman su per chi bòsc a scuté su l cianté di uciei.
 |
 |
 |
 |