Tl VIII. centené fova ruvei i prim perdicadëures cristinans dal Irland ju, nscì che l fova nce unì metù su n cunvënt.

L vëscul de chësta zità ova tan na gran mpurtanza che l fova nce "Primas" o prim vëscul de duc i Paesc Tudësc, y permò cun l Cungres de Viena dl 1815 ovel perdù l pudëi temporel.

La spiegazions dl Dr. Großrubatscher ie states scialdi de utl, n à pudù audì truep sun la Festung Hohensalzburg, la Festspielhäuser, la vita de Mozart y la cësa ulache l ie nasciù, l gran dom y la Franziskanerkirche. Jan tres la cuntredes ancuntoven jënt che univa da dlonch caprò, nce truepa grupes de studënc y sculeies dala Talia.