 |
|
Tres
la bona cunlaurazion di nsenianc dla tlasses y scoles desferëntes,
cun l aiut de plu persones, esperc, lies y assoziazions de
cumpetënza tl ciamp dla montes, genitoresc y finamei
l ambolt, iel stat mesum realisé n program rich, abinan
adum nfurmazions cultureles y ndispensables ntëur al
ambient, la vita y natura de nosc raion, pitan nscila a nosc
sculeis l’ucajion de se fé n cheder generel dla
mpurtanza de nosta montes.
Ti
cialan ai lëures di mutons y dla mutans dla scolina,
dla scola elementera y mesana, che à laurà cun
pascion y legrëza, oven la mprescion che chësc proiet
à purtà si fruc. L ie mpurtant che n mpere bele
da pitli insù a respeté y a valuté la
richëza dla natura y dl ambient sann, ulache nëus
on la gran fertuna de pudëi viver.
|
