N campion dl mond te tlas
N ucajion dla garejeda de schi ons chëst ann nvià a unì te scola Karl Senoner da Frëina. L campion dl mond à purtà dant, te na maniera drët viva, si sperienzes fates tl sport dai schi. I sculeies dla III. y dla V. tlas à plu che auter ulù savëi coche l fova plu da giut, ce mesuns che n ova y ciuna che fova la dificulteies y la legrëzes de n atlet de livel mundiel. Dantaldut de si garejeda venciuda pra i campionac dl mond, dl 1966 a Portillo tl Cile, à Karl Senoner respundù a truepa dumandes nteressantes di sculeies. Ël ova nce tëut pea i schi y i ciauzei da ntlëuta, samben nce la bedaia d’or, tl dessëni dl blòt floch de nëif, y, per uni sculé, na cherta cun l autogram.