Cëla na storia....   „Cëla . . . na storia“, nsci à inuem n proiet de nventé de nueva stories cun la figures dla liejëndes de Fanes, cuordinà dala prof. Eveline Vinatzer. Truepa tlasses dla scoles elementeres de duta la Ladinia à ntan l ann de scola 2003-04 mëtù ora si stories, desseniedes y scrites sun de gran chedri, tla forma de n leporello, te na mostra che ie rueda te uni valeda ladina. Nsci nce la IV.tlas cun la maestres Petra Senoner y Frieda Moroder, la V.A cun la maestres Michela Bernardi y Karin Gruber  y la V.B cun i maestri Paul Senoner y Savina Kostner dla scola elementera de Sëlva. De jené 2005 à uni sculé pudù pië do na blòta scatula cun duta la 16 stories, scrites per ladin, tudësch o talian.