N merdi, ai 19 de fauré, iel stat la garejeda dla scola.
L ie un di dis, sce nia l plu mpurtant de dut l ann de scola.
 |
Duc che aspieta cun na drëta fiëura.:"Sarons’a bon de vëncer, sarons’a bon de bater chël o chëla?" Ma plu che n di de cumpetizion iel n di de cumpania, cun la prejënza di sculeies y di nsenianc, y n di de sport sann, dedora, sun l bel purtoi de Risaccia. Ala premiazion fova prejënc l ambolt de Selva Roland Demetz, genitoresc y autoriteies. Dla garejeda nstëssa y de tò su i tëmps se à cruzià la Scola de Schi de Sëlva. L plu asvelt pra i gran sculeies ie stat Guido Schmalzl. Pra i pitli, che garejova sun n purtoi plu curt, ie stat l plu asvelt Mirko Perathoner. Chëi che ne savova nia da ji cun i schi à pudù fé pea la garejeda cun l snowboard o cun la luesa.
