|
|
 |
|
|
|
La Scola elementera de Sëlva a tëut pert al gran proiet de prevenzion contra la dependënzes"STERSC PER LA VITA" metú a ji d’autonn dl 2001 n culaburazion cun de plu organisazions dl luech sciche l Chemun, l Servisc soziel, la Caritas, la Jungschar, i Jëuni y la Scola mesana.
Nëus on laurà plu enes tla tlasses sul tema "Ie y mi sentimënc". I mutons dëssa mparé a cunëscer se nstësc y si sentimënc, ëi dëssa crëier te se nstësc y se nfidé a de esprescion a chël che ëi sënt. Bele da pitli insú dëssi mparé a ti vester ai cunflic de uni di y a tenì ora i pëisc dla vita, po ne se lascerai da granc nia tan prësc abiné ite tl mond dla droghes y se fajerà plu saurì a superé la dificulteies dla vita.
Ti mënsc de utober y nuvëmber ons metú a ji 3 gran scumenciadives:
- Juebia, 29.11.2001 te sala de calonia: Referat per i genitoresc, tenì dala educadëura Lisl Strobl, cul titul "Welchen Halt brauchen Kinder?"
- Sada, 01.12.2001: Presentazion di dessënies di sculeies sun plaza de chemun, ulache i resterà tachei ora dut l d’inviern - Uni tlas à laurà ora n auter argumënt sciche: Ie son cuntënt canche... - Cie me fesc-pa dessené - Ie é tëma canche.......
- Merdi, 04.12.2001: Presentazion tla gran sala di cungresc dl proiet "Ie y mi sentimënc" - Uni tlas a cuntribuì a chësta manifestazion mparan ite n program drët rich y daulëibon. I sculeies à purtà dant de plu cianties, poejies, juesc y n valgun pitli pec de teater, metui adum n pert da ëi nstësc. N gran teater dal titul " Ti voglio bene" ie unì mustrà sun palch dai mutons y dala mutans dla cuinta tlasses, che à desmustrà si bravura no me tl spilné ma nce tl cianté.
