Do che n ruva ite cun na pitla ferata iel da jì tres de uni sort de strentures y chëui y uni tant iel pona tel gran ciavernes, te una fovel nchinamei n lech, ulache n passova via cun na berca, te n'atmosfera de marueia pervia dl juech dla lums y dla mujiga plajëula che n pudova scuté su.

Duc à dopro pudù jì doi iedesc ju per na sbrisciadoia drët longia, per avëi scutà su y metù a verda per plu de n'ëura.

 

Domesdi nes al pona menà tres la zità, che ie una dla plu carateristiches lonc y lerch, y pervia de si bela dliejes vënela tlameda la Roma a nord dla Elpes.

I Romans se ova bele lascià sëura iló dan la nasciuda de G.C. se fajan na sënta, tlameda "Juvavum".