L viac tl mont di libri fova cun chësc finà via. Per fé jì inant l lecord al bibliofestival à mo duc canc, pitli y granc, lascià jì su tl air n palon cun na pitla cherta tacheda pro. Ce marueia a ti cialé do a chël busiamënt de 150 palons de uni culëur che se n muciova suvier tl ciel deventan for mëndri y mëndri.

L rengraziamënt ala fin ti ie jit ala bibliotechères, ala maestres y ai maestri che à judà pea a mëter a jì chësta bela azion. Per l gran sustëni finanziel ti an sentì gra ala Sporkassa de S. Crestina, al Chemun y al cunsëi de furmazion de S. Crestina.

N mëns do ie bele ruvedes de reviers 5 respostes de jënt che à abinà la zedula che fova tacheda pro pra i palons.

"De biei saluc da Ferrara" fova scrit sun una, y "On abinà chesta zedula tl ciamp dl nëine daujin a Vicenza" n’autra. Povester assé che a chësta maniera nasc vel amicizia nueva. Chiche ëssa da giapé mo vel’ resposta ie prià bel de l fé al savëi tla bibliotech.