Dadedò se à duc canc devertì cun l clown Kaumuni che ulova mpue se trapulé ite danter i sculeies per giapé nce ël l bel pest che ti fova stat mpermetù a chëi che liejova almanco 4 libri ntan l instà.

Y te chësc mumënt sci fovel gran ëura de passé ala premiazion, che duc ova aspità tan ert. L pest ne fova nia n liber (coche n ëssa magari pudù se aspité dala bibliotech) ma na bela boza de aluminium che n po adurvé coche buracia per la roda o coche boza thermos per jì samont. La legrëza a pudëi pië do na tel bela boza cuecena o brum lucënta fova danz granda.

Y a chëi che ne ova nia arjont i cater libri ti muiova dassën ma ëi se po cunselé fajan pea n auter ann pra l bibliofestival 2002.