Curtes ie perchël states la paroles de salut nce da pert dl diretëur dr. Anton Senoner ajache do doi blota cianties di sculeis aspitova bele Martin Plancker cun si „cufer“ de dias che ël à purtà pea da si ultimo viac tl Grönland.

Va pa i mutons cassù a scola y co fesc pa la lomes a taché su la besc sce l ie for tan frëit? Sun chëstes y ngrum de autra dumandes savova Martin na resposta y duta la sala metova dassën a verda per audì coche la jënt y dantaldut i mutons vif tl Grönland.